Uncategorized

የሊዝ ዉዝፍ ዕዳ አመላለስ፣ ከሼድና ኮንቲነር ገቢ፣ የአከራይ ተከራይ ገቢ፣ ከደረሰኝ አጠቃቀም፣ የማዕድን ዘርፍ ግብር፣ ከንግድ ፈቃድ እና በሌሎችም ግብር በሚሰበሰብባቸዉ ዘርፎች ላይ በሚስተዋሉና በሚያጋጥሙ ተግዳሮቶች ላይ ሰፊ ዉይይት ተደርጓል።

መድረኩን የመሩት የወራቤ ከተማ አስተዳደር የመንግስት ዋና ተጠሪ አቶ አብዱልከሪም ሸሳይድ እንዳሉት ገቢ የሚሰበሰብበት በርካታ ዘርፍ መኖሩን እንዲሁም መጠቀም ያልተቻለ ሃብት ያለ መሆኑን ገልጸዉ በቀጣይ ሁሉም ባለድርሻ አካል እገዛ በማድረግ የከተማዋን ሁለንተናዊ ዕድገት ለማረጋገጥ ገቢ የመሰብሰብ ተግባሩን ማጠናከር ይገባል ብለዋል።

በዉይይት መድረኩም በግብር አሰባሰብ እና በሂደቱም በሚስተዋሉ ማነቆዎች ዙሪያ ያተኮረ ሰነድ በከተማ አስተዳደሩ ገቢዎች ጽ/ቤት ሃላፊ በአቶ ከድር ሸኑሪ ቀርቦ ባላድርሻ አካላቱ በጥልቀት መክረዉበታል።

በከተማው መሳካት ያለባቸዉ የተለያዩ የልማት ስራዎችና ፕሮጀክቶች እንደ ሀገር ባጋጠሙ የኢኮኖሚ ዉስንነት እንዲሁም በአግባቡ ሀብትን መሰብሰብ ባለመቻሉ ለመቆም መገደዳቸው የተጠቆመ ሲሆን በንግድ እንቅስቃሴ ላይ ለሚፈጸም የትኛውም አይነት ግብይትና አገልግሎት ደረሰኝ በመስጠትና በመቀበል ከዘርፉ የሚገኝ ገቢን ማሳደግ ይገባል ነዉ የተባለው።

ህዝቡ የሚያነሳቸዉን የልማት ፍላጎቶችን ለማሟላት እና የመሰረተ ልማት ተደራሽነት ለማስፋት ግብር ወሳኝ በመሆኑ ገቢን በሁሉም ዘርፍ አሟጦ መሰብሰብ ያስፈልጋል ሲሉ የከተማው ገቢዎች ጽ/ቤት ኃላፊ አቶ ከድር ሸኑሪ ተናግረዋል።

በተጨማሪም ዉዝፍ ዕዳ ያለባቸዉ በግዜ እንዲከፍሉ በማድረግ እንዲሁም ከቅጣት የሚድኑበትን አሰራር መከተል እንደሚገባ የተገለፀ ሲሆን አልፎ አልፎ ህግና-ደንብን ተላልፈዉ በሚገኙ አካላት ላይ ህጋዊ እርምጃ መዉሰድና ተጠያቂነትን ማስፈን ያስፈልጋል ተብሏል።